Lâm Đồng hŏ lôch jêh tâm ban ŭch tâl pe, nchih săk n’glĕ dŭt ăp nuĭh tŏng nău dơi dâk tâm rlong đại biểu Quốc hội khóa XVI n’hanh HĐND ăp gưl năm kan 2026 – 2031, đăp mpăn geh nău tâm ban, di quy định pháp luật. Lôch tâm nchră tâm ban ŭch tâl pe, n’gor Lâm Đồng hŏ tâm ban ŭch sơch, nchih săk 21 nuĭh tŏng di rnoh dơi mbơh dâk tâm rlong đại biểu Quốc hội khóa XVI n’hanh 133 nuĭh tŏng di rnoh dâk tâm rlong đại biểu HĐND n’gor Lâm Đồng năm kan 2026 – 2031, đăp mpăn dăp rgum, ntơh măt tĭng di quy định.

 Lam n’gor hŏ njêng 124 Ủy ban bầu cử gưl xã; 6 Ban bầu cử đại biểu Quốc hội n’hanh 38 Ban bầu cử đại biểu HĐND n’gor. Tĭng wa Phạm Thị Phúc, Groi Bí thư Tỉnh ủy, Kruanh Ủy ban MTTQ Việt Nam n’gor Lâm Đồng, nău lôch jêh tâm ban ŭch tâl pe lah ntŭk nsing khlay gay n’gor an ƀư tay ăp njuat tâm pah kan bầu cử, rƀŏng tât leo ƀư rơh bầu cử geh nău tâm ban, di pháp luật, đăp mpăn n’hanh lah nar rgum ngăn bah lam ƀon lan.