Kêng măng ntri (11/2), Tổng Bí thư Tô Lâm tât khâl n’hanh mbah rhơn tết Đảng bộ, n’gâng kan ƀon lan n’gor Dak Lak nkhêp geh nchrăp wơt Tết Nguyên đán Bính Ngọ 2026. Ntơh măt ăp kruanh rđău kan Đảng, Ngih dak hŏ njuăl nău mbah rhơn năm mhe dŭt uĕh lăng tât Đảng bộ n’gâng kan ƀon lan rnoi mpôl đê̆ ta n’gor, Tổng Bí thư tâm pă đah ăp jêr jŏt bah n’gor tâm năm rlău aơ, bol ma kơt nê̆ Tổng Bí thư an lah đŏng, đah ntŭk têh hvi n’hanh ntŭk gŭ khlay bah he, Dak Lak ân dơi uănh năl ta du rnoh di âk lơn.

 Tổng Bí thư đă n’gor droh rklaih lĕ ăp kô̆ yơn kol khan trong tĭng, rgum tơm lah neh ntu nông - lâm trường, nkre rgâl uĕh ntŭk ntuh kơl. Yor aơ nkre lah nău ŭch geh hun hao wăng sa, nkre lah nkô̆ nău đăp mpăn chính trị - rêh jêng kon nuĭh ndrel rdâk tay nuih n’hâm nsing nơm bah ƀon lan. Tổng Bí thư dăn đă n’gor Dak Lak rgum mât nâp njrăng n’gang neh dak- rnă njrăng, mât nâp đăp mpăn chính trị - rêh jêng kon nuĭh tâm ăp ntil nău tât, uănh aơ lah jâng nsing mô dơi rgâl bah hun hao nâp dăng; lơn lah rdâk njêng tay n’gâng kan dâk kan ngăn, tĭng jăp, kloh rvah n’hanh dơn nău kan tât dŭt, di nuih n’hâm Đại hội XIV bah Đảng.