Tâm rnôk hăn pah kan ta Dak Lak, ôi 11/2, Tổng Bí thư Tô Lâm râng ntơm rdâk njêng Nhih nti phổ thông dân tộc nội trú rep gưl tiểu học – trung học cơ sở xã Ea Rốk. Trong nchrăp rdâk njêng ta rnoh neh hvi bơi 6 ha, âk 18 jrô nti đah 630 kon se nti, geh ăp tŏng jrô gŭ nti, thư viện, jay dŏng âk ntil ndơ n’hanh nkual nội trú têh uĕh mhe an 320 kon se nti; lĕ rngôch rnoh khlay ntuh kơl 150 rmen prăk tă bah ăp doanh nghiệp mpeh Bộ Quốc phòng ntop kơl. Rnôk ƀư lôch jêh, nhih nti mbra rgop n’hao nău geh ndơ ntĭm n’hanh nti an bơi 700 kon se nti nkual n’har bri, nkual ƀon lan rnoi mpôl đê̆.

Lah ta rơh lễ, Tổng Bí thư lah rjăp ntĭm – nti lah trong kơl dâk bôk năp bah neh dak; dăn đă Bộ Quốc phòng ƀư di rnoh ngăch, nâp uĕh, đăp mpăn nhih nti; nkre đă n’gor Dak Lak, n’gâng kan ntĭm nti n’hanh n’gâng kan ta ntŭk nchrăp tơm nuĭh kan, bôk nău kan, mât dŏng geh nău dơi drăp ndơ lôch ƀư jêh. Nkhêp geh nchrăp Tết Nguyên đán Bính Ngọ 2026, Tổng Bí thư Tô Lâm hŏ tât khâl, mbah rhơbn Tết cán bộ, tahen Pôih n’har bri Ea H’Leo – đơn vị dôl dơn mât njrăng ta nkual n’har bri bah n’gor Dak Lak.