Nar ntri, 9/2, Kruanh Quốc hội Trần Thanh Mẫn hŏ mpoh nhang nkah gĭt Kruanh Hồ Chí Minh ta Jay 67, Nkual têl ơm yău Nhih pah kan kruanh dak. Bah năp huêng Kruanh Hồ Chí Minh, ntơh măt Đảng ủy Quốc hội n’hanh ăp nhih pah kan bah Quốc hội, Kruanh Quốc hội Trần Thanh Mẫn hŏ mpoh nhang, nkah gĭt n’hanh mpơl nuih n’hâm nkah gĭt jru bah năp n’hâm suan têh kuâng bah Wa đah n’gâng kan cách mạng bah Đảng n’hanh rnoi nuĭh.

Kruanh Quốc hội dăn ton, năm 2026 mbra ndrel Đảng ủy Quốc hội, nhih pah kan Quốc hội an ƀư geh nău tam nuih n’hâm Nghị quyết Đại hội đại biểu tâl 14 bah Đảng n’hanh nău dơn kan bah Quốc hội tâm pah kan njêng pháp luật, groi nđôi gưl têh n’hanh n’glêh an ăp nkô̆ nău khlay. Lơn lah, nchrăp an rơh bầu cử đại biểu Quốc hội khóa 16 n’hanh Hội đồng nhân dân ăp gưl năm kan 2026-2031 ta nuih n’hâm nsum, ndrel Chính phủ gay droh rklaih jêr jŏt, wăk kol bah neh dak tâm rnôk aƀaơ.