Ôi 9/2, Ủy viên Bộ Chính trị, Bộ trưởng Bộ Nông nghiệp n’hanh Môi trường Trần Đức Thắng khâl, mbah rhơn Tết ta n’gor Sơn La. Ta xã Xuân Nha, Pôih n’har bri Chiềng Sơn kan nsum đah ăp đơn vị ƀư bôk nău kan “Năm mhe n’har bri, răm nuih n’hâm ƀon lan”, pă nklâm ndơ rnăk ach o, dăch kêng ach o, rnăk dơi kơl n’hanh kon se nti đah lĕ rngôch rnoh khlay rlău 900 rkeh prăk. Bộ trưởng rnê âk nuih n’hâm dơn kan, nău kan nsum bah mpôl tahen n’har bri tâm mât chăm Tết an ƀon lan, mât nâp rnă njrăng n’har bri.

Nkhêp geh rnôk dja, mpôl pah kan hŏ tât khâl, pă nklâm ndơ rnăk wa Đỗ Thị Nghị, tiểu khu 4, xã Chiềng Sơn, lah ur tahen ơm khĭt; khâl, pah kan ta UBND xã Chiềng Sơn. Mpôl pah kan Bộ Nông nghiệp n’hanh Môi trường hŏ kơl an 30 nklâm ndơ an 30 rnăk ach o, rnăk dơi kơl, nuĭh kan geh nău rêh jêr jŏt ta xã Chiềng Sơn, Lóng Sập; ndơ̆ kơl 500 rkeh prăk kơl ƀư Prăk nkrem an nuĭh ach o n’gor Sơn La.