Nkhêp geh nchrăp wơt Tết Nguyên đán Bính Ngọ 2026, ôi 9/2,  Tổng Bí thư Tô Lâm khâl, mbah rhơn Tết Đảng bộ, n’gâng kan n’hanh ƀon lan nkual ƀon têh Hồ Chí Minh. Tổng Bí thư nchih nkah, rnê âk ăp nău nsrôih, lôch jêh tĭng ƀư tâm bah ri aơ nơh; lah rjăp nău an ƀư Nghị quyết Đại hội XIV bah Đảng tâm 5–10 năm tât geh nkô̆ khlay bah năp mper đah rnoh tât 100 năm njêng Đảng n’hanh njêng jâng nsing nâp rƀŏng tât 100 năm njêng dak.

Tổng Bí thư đă nkual ƀon têh Hồ Chí Minh lah rjăp tay nău khlay leo lor, ƀư nău ntĭt; ƀư jêng ngăn ngăn nghị quyết ma bôk nău kan kloh nău kan, kloh nău dơn kan, kloh rnoh ngăch ƀư; an ƀư geh nău tam ăp nghị quyết têh jong n’hanh ƀư geh nău dơi bầu cử đại biểu Quốc hội khóa XVI, HĐND ăp gưl, đăp mpăn geh tâm ban, manh uĕh, di pháp luật. Tổng Bí thư đă nkual ƀon têh rgum droh rklaih ăp ntŭk kol khan têh; đăt ndal mpeh trong tĭng, ndơ dŏng, tơm nuĭh kan; rgâl mhe trong ntĭt leo hun hao tĭng trong tâng jru; ntik n’hao geh nău tam ăp trong tĭng, trong kơl mha êng; tĭng kơn jêng ăp ntŭk rgum tơm prăk, logistics, rgâl blău ƀư mhe tâm nkual n’hanh lam ntŭr neh.