Kêng măng ntri (11/2), ta Hà Nội, Mpôl Kruanh Ủy ban Trung ương MTTQ Việt Nam ƀư Tâm nchră tâm ban ŭch tâl pe gay tâm ban ŭch, nchih săk ăp nuĭh mpeh ăp nhih pah kan, mpôl kan, đơn vị ta Trung ương dơi mbơh dâk tâm rlong đại biểu Quốc hội khóa XVI tĭng quy định bah Luật Bầu cử đại biểu Quốc hội n’hanh đại biểu HĐND năm 2015 n’hanh ntĭm nti bah Hội đồng Bầu cử gưl neh dak.

Lôch tâm nchră, an nău rgop mpeh lôch jêh nsing nơm bah cử tri ntŭk pah kan n’hanh ntŭk gŭ, 100% đại biểu râng Tâm nchră hŏ tâm ban ŭch nchih săk 217 nuĭh mpeh ăp nhih pah kan, mpôl kan, đơn vị ta Trung ương tŏng di nău dơi dâk tâm rlong đại biểu Quốc hội khóa XVI tĭng di quy định pháp luật. Lah ta tâm nchră tâm ban ŭch, Kruanh Ủy ban Trung ương MTTQ Việt Nam Bùi Thị Minh Hoài lah rjăp, Tâm nchră tâm ban ŭch tâl pe hŏ lôch jêh nkô̆, bôk nău kan ndơ̆ luh, mpơl nuih n’hâm dơn kan, nău tâm ban ŭch dơn ngoăy âk bah ăp nhih pah kan, mpôl kan, đơn vị ta Trung ương n’hanh cử tri ntŭk nơm gŭ tâm nău mbơh ăp nuĭh ntoh lư, tŏng di rnoh, tŏng nău dơi dâk tâm rlong đại biểu Quốc hội khóa XVI. Nău dơi dja lah rjăp tay nău khlay bah MTTQ Việt Nam tâm ƀư tơm tâm ban ŭch, mât đăp mpăn geh nău tâm ban, di quy định pháp luật, rgop khlay tâm nău dơi bah rơh bầu cử.