UBND n’gor Lâm Đồng mhe mbơh đă ăp n’gâng kan n’hanh tâm rgop nsum nuĭh tơm ntuh kơl ndăn ƀư ngăch trong cao tốc Bảo Lộc – Liên Khương tă bah pah kan nchrăp ntuh kơl mbrơi đah trong nchrăp. Tĭng uănh năl, ntơm bah khay 6/2025 tât aƀaơ, nuĭh ntuh kơl mhe geh tât nklăp 20% rnoh lôch jêh ra joi bom mìn, ndơ rtoh n’hanh weh ƀư kỹ thuật; hồ sơ weh ƀư kỹ thuật, weh ƀư mô hŏ lôch jêh tĭng nău ŭch geh; dăp rgum nuĭh kan, mbrơi dăp rgum ăp tŏng lam nuĭh kan, mô lor nchrăp kan nsum đah n’gâng kan ta ntŭk.

UBND n’gor đă tâm rgop nuĭh ntuh kơl ơm lôch jêh ăp tŏng nuĭh kan, tâm pă văn phòng mât bôk kan ta nkual Đà Lạt n’hanh ăp văn phòng ta ntŭk ƀư ngăn; rdâk njêng trong nchrăp, rnoh ngăch na nê̆, ntrŏng kloh nău dơn kan rgum tơm tâm khay 1/2026, nkre kan nsum đah ăp n’’gâng kan ta ntŭk ra uănh tay, lor ndơ̆ jao neh an dŏng ƀư trong.