Lễ hội sầu riêng Krông pắc-Dak Lak rơh tal 2 mbra ƀư uĕh an năch pâl nđaih đah têh lơn, âk nău ƀư uĕh, geh nkô̆ nău lơn, aơ mĭn lah bah kruanh nkuăl Krông Pắc, n’gor Dak Lak ta nar rƀŭn mbơh nu nău mpeh lễ hội sầu riêng Krông Pắc-Dak Lak rơh tal 2 năm 2024 ƀư ôi nđaơ (18/7). Đah bôk nău “Sâu riêng Krông Pắc-Hun hao n’hanh rgum lăp”, lễ hội ƀư bah lơ 18/7 tât lơ 2/9/2024.

Wa Ngô Thị Minh Trinh-Groi Kruanh UBND nkuăl Krông Păc an gĭt: lam nkuăl aƀaơ geh nklăp 8.000 ha tăm sầu riêng, geh 1/3 rnoh neh sầu riêng bah lam n’gor Dak Lak. Năm aơ, nchrăp dĭng lĕ geh rlău 92.000 tấn. Sầu riêng lĕ jêng tơm tăm khlay nsĭt tay geh prăk âk an nuĭh ƀon lan ta ntŭk. Lễ hội sầu riêng nkuăl Krông Pắc rơh tal 2, geh ƀư têh lơn, dơi ƀư uĕh lơn, âk nău ƀư geh nkô̆ nău lơn mbra ntô̆ n’hao nuĭh tăm sầu riêng n’hanh ăp nău khlay wăng sa bah ntil play aơ nsĭt tay.