Tâm rnôk ƀư Liên hoan phát thanh lam dak tâl 16 năm 2024 tă bah Radio nău ngơi Việt Nam kan nsum ƀư đah Ủy ban nhân dân n’gor Thanh Hóa ƀư, ôi 8/7, Radio ƀoh rup n’hanh ƀoh ngơi Thanh Hóa, ntơm pơk rơh tâm rlong lăp n’glĕ dŭt pơk ƀoh nău ngơi sŏng dăng.

Rơh tâm rlong n’glĕ dŭt ntil pơk ƀoh nău ngơi sŏng dăng geh nău tât râng bah 33 đơn  vị, ăp nău nchih nkoch râng tâm rlong n’glĕ dŭt pơk ƀoh nău ngơi dơn ndjôt tât gâl nchreng an uănh bah ăp nuĭh ntơm bôk nău ngơi đah nău tât râng bah năch jă ma hôm mpơl gĭt nđơn n’hâm n’hôr bah nău rêh mpeh ăp đề tài duh ndal, ăp nkô̆ nău dơi lam rêh jêng kon nuĭh uănh khlay. Nhà báo Trần Minh Hùng – Groi Tổng giám đốc Đài TNVN an lah, ăp đơn vị râng hŏ geh nău nchrăp âk mpưm n’hanh na nê̆ an  rơh tâm rlong nău kan khuh n’gôr n’hanh dŭt rhơn nđơr ta ăp rơh Liên hoan, lah rjăp, pơk ƀoh nău ngơi sŏng dăng nsĭt n’hâm n’hôr bah nău rêh rƀŏng tât lam nuĭh, dăch dêh đah lam nuĭh. Tâm  rlong n’glĕ dŭt pơk ƀoh nău ngơi sŏng dăng ƀư tâm 4 nar ntơm bah nar aơ tât 11/7, ăp nău nchih nkoch tâm rlong dơi pơk ƀoh sŏng dăng, livestreams ta ăp ntŭk pơk ƀoh ngơi.