Ôi 4/3, dơn nău đă bah Bộ Công an, Công an n’gor Dak Nông ƀư nar nkhôm rnê bah Bộ Công an an ăp đơn vị geh nău dơi ngăch prăl tâm rlăch ndăng, njrăng n’gang nuĭh tih, mât đăp  mpăn rnă njrăng ta n’gor. Đah nuih n’hâm nsrôih âk, mhe aơ, mpôl Công an Dak Nông hŏ geh nău dơi mbro tâm ăp nău rlăch ndăng, njrăng n’gang nuĭh tih.

Ntĭt kơt, hŏ rlăch ndăng nhŭp kân lah phong 2 tơ̆ nău tih 2 hê nuĭh dŏng siƀŭt rlăm bah nhih pah kan n’hanh an manh deh prăk kon âk hao tât 1080%/năm, joi geh wăng sa mô tâm di 5 rmen prăk; rlăch ndăng, nhŭp kân, lah phong 2 hê nuĭh tih dŏng công nghệ mhe mplư rlăm pit in drăp ndơ ta trôm mạng bah rlău 1.000 nuĭh ƀon lan lam dak; rlăch ndăng 2 tơ̆ nhŭp kân nuĭh  tih, lah phong 3 nuĭh tăch rvăt, mpôn prăp ndơ mô an dŏng, nhŭp kâp sŏk  mplơ̆ 660kg pháo rtoh ndrel âk ndơ ban nhŭp  êng ƀa ƀă. Bah nê, rgop mât đăp mpăn rnă njrăng, dơi ăp gưl, ăp n’gâng kan nchih nkah, rnê  âk, ƀon lan nsing nơm, dêh rŏng. Nchih nkah n’hanh mpư rnê ăp nău dơi ngăch prăl, Bộ Công an hŏ n’glêh an nkhôm rnê 18 mpôl bah Công an n’gor Dak Nông.