Tâm nchră “Dŏng công nghệ viễn thám tâm nău nchroh duh phang, mô tŏng tơm dak ta nkual Tây Nguyên n’hanh rgâl mbrô tâm n’glăp dŏng dak bât” ƀư kêng măng (8/12) ta n’gor Lâm Đồng. Ăp nuĭh râng rgum tâm nkoch gĭt ăp nău dơi gŭ mĭn n’hanh nău tă ơm gĭt tâm trong dŏng rup vệ tinh, rgum nchih nău lư nchroh lor mih sial- trôk nar, rêng lam bản đồ mbrô n’hanh trí tuệ nhân tạo tĭng groi nđôi nău tât geh tơm dak. Ma nău rblang luh ăp rnoh mbrô mpeh duh phang, rnoh l’ĭt mbĕ, rnoh âk mih, rnoh âk dak n’glău n’gâr ta keh mbrô, ăp nhih pah kan rnâng kan mbra dơi nchroh ơm geh ma nău duh phang, huăt tơm dak tĭng nkual, tĭng bing dak.

Công nghệ viễn thám n’hanh ăp trong blău ƀư mhe, dŏng rgum nchih nău lư gay rblang năl geh ma nău tât mbra n’gluh ăp nău nchroh lor tâm di mbra kơl nhih pah kan mât bôk kan Trung ương n’hanh n’gor rdâk njêng trong groi nđôi, nchroh mbơh duh phang, huăt tơm dak an nău kan tuch tăm tĭng trong rƀŏng rđău đă lor n’hanh kloh rvah, rgop hŭch bah rmoh rman trôk nar lơh n’hanh hun hao tuch tăm mât rong jŏ jong. Nău dŏng công nghệ viễn thám nkre đah rgâl mbrô tâm mât dŏng lam dak bât lah trong rƀŏng khlay kơl n’hao nău dơi mât bôk kan, tâm pă tơm dak, mât dŏng n’glău n’gâr tĭng mông nar ngăn, tĭng ƀư geh nău tam tŏ djrah n’hanh lor nchrăp rdâng lơh đah nău tât trôk nar.