Ôi 4/4, Ngih sam ƀŭt Đại học Thái Nguyên ƀư nkah gĭt 30 năm Nar ndâk njêng n’hanh wơt dơn Huân chương Lao động hạng Nhất. Manh ndơn ƀư Kruanh dak Võ Thị Ánh Xuân râng n’hanh ntoh ngơi ntĭm rđău. Ngih sam ƀŭt Đại học Thái Nguyên aƀaơ geh rlău 70 rbăn nuĭh nti, sinh viên, tâm nĕ bơi 1 rbăn nuĭh kon hŏk dak bah dih; đah rmôt nuĭh nai ntĭm nti 2.500 nuĭh.

Đại học Thái Nguyên nar aơ lĕ mĭn lah nău moh êng, nsing nơm bah du ngih sam ƀŭt têh lam dak, hun hao lĕ rngôch n’ăp mpeh têh hvi, nău kan n’hanh uĕh ntĭm nti. Manh ndơn ƀư kruanh dak đă Đại học Thái Nguyên an uănh rjăp tay n’hanh ƀư uĕh ăp nău ntrŭnh, nău kơl bah Đảng, Ngih dak mpeh rgâl mhe bôk năp, lĕ rngôch ntĭm nti, mpeh hun hao nkual, nkre an ngăch, mĭn ƀư mhe, geh trong hăn tâm di. N’gâng kan ntĭm nti, ăp ban, n’gâng kan nău kan Trung ương, n’gor Thái Nguyên n’hanh ăp ntŭk tâm nkual uănh tât tay, nta an lĕ rngôch n’hanh an nuĭh ntop kơl uĕh gay Đại học Thái Nguyên hun hao tĭng di trong n’gluh an.