Kêng măng 21/4, Manh ndơn ƀư Kruanh dak Võ Thị Ánh Xuân n’hanh mpôl pah kan bah Trung ương lĕ tât khâl, an ndơ ăp tahen Điện Biên dôl rêh ta nkual ƀon têh Điện Biên Phủ. Mpôl pah kan lĕ tât khâl, an ndơ tahen ơm Nguyễn Hữu Chấp, deh năm 1931, gŭ ta phường Him Lam n’hanh tahen ơm Nguyễn Viết Điểm, deh năm 1930, gŭ ta phường Thanh Bình, nkual ƀon têh Điện Biên Phủ.

Ta aơ, Manh ndơn ƀư Kruanh dak Võ Thị Ánh Xuân lĕ đêp rmên khâl ôp săk soan, nău rêh bah ăp tahen Điện Biên; nkoch nău ryơk, nkah gĭt đah ăp n’hâm soan, lĕ roh têh kuăng bah ăp tahen Điện Biên tâm rơh tâm lơh tâm su mprơh rlăng Pháp, rgop ndrel tahen n’hanh ƀon lan he ƀư jêng lơh dơi têh. Ndơn măt mpôl pah kan, Manh ndơn ƀư Kruanh dak lĕ mbah rhơn ăp tahen Điện Biên geh âk săk soan, ntŭk nsing nuih n’hâm an kon, sau tĭng, ndơn tay nău way ơm u che; nkre mât uĕh nău way ơm “Tahen wa Hồ”, mât mro nuih n’hâm “Tahen Điện Biên” kăl e, rgop tay nău mĭn, n’hâm soan ndâk njêng ƀon tơm nar lơ ndrŏng, uĕh lăng.