Nkhêp nkah ndray 114 năm nar bu ur lam ntŭr neh (8/3), kêng măng ntri (7/3), ta Nhih pah kan Chính phủ, Bí thư Trung ương Đảng, Groi Thủ tướng Chính phủ Lê Minh Khái măt mbah rhơn nuĭh bu ur gĭt blău ntoh lư n’hanh nkhôm rnê Kovalefskaia năm 2023.

Ta rơh mâp măt, ntơh măt kruanh rđău kan Chính phủ, Groi Thủ tướng Lê Minh Khái njuăl nău nkah gĭt jru, nău mbah rhơn dŭt uĕh lăng tât nsum mpôl bu ur Việt Nam, ăp bu ur nuĭh khoa học. Groi Thủ tướng Lê Minh Khái lah rjăp: gay uănh khlay tay ntrŭt nsôr ăp rơh kơn bu ur, tâm nê lơn lah rmôt nuĭh gĭt blău lor nchrăp kơt nti, gŭ mĭn,  n’hao nău dơi kan, gĭt blău ăp ntil, tŏng đah nău ŭch geh hun hao wăng sa –rêh jêng kon nuĭh bah neh dak, ăp gưl, ăp n’gâng kan, ăp n’gor, mpôl bu ur đăm gĭt tay, tĭng ƀư geh nău tam Nghị quyết Đại hội 13 bah Đảng; an tĭng ƀư ngăn ngăn ăp Nghị quyết, nău ntrŭnh bah Trung ương Đảng, Bộ Chính trị, Ban Bí thư mpeh rdâk njêng tay, ntik n’hao nău khlay kan bah rmôt gĭt blău tŏng an nău ŭch geh hun hao ngăch neh dak ngăch n’hanh jŏ jong tâm rơh mhe./.