Ntŭk kan mât dak kloh n’hanh mât ueh ntŭk gŭ rêh nkual ƀon lan n’gor Dak Lăk dôl geh mât uănh, leo dŏng 44/128 ntŭk pă dak rgum ta n’gor, kơl pă dak an rlău 33.100 năch. Mât đăp mpăn pă dak dŏng đăp mpăn, mbro, ntŭk kan dak kloh n’hanh mât ueh ntŭk ntô n’gor Dak Lăk lĕ njoăl săm ƀŭt tât ăp ntŭk an lor rnoh dak kloh ueh dŏng, nkre lah đă Điện lực Đăk Lăk leo pă rnoh điện dŏng an ăp ntŭk pă dak.

Wa Phạm Ngọc Bình, Giám đốc ntŭk kan dak kloh n’hanh mât kloh ueh ntŭk gŭ rêh n’gor Đăk Lăk an gĭt, ăp ntŭk kan tâm n’gor lĕ rgâl jêng nău mbơh tơih ăp nar, nău kan mât uănh, mât nkra ăp ntil ndơ khlăy, trong dĭng dak geh uănh na nê̆, mât đăp mpăn ndâk nsơm ngăch ăp nău tât, mô an nău pă dak dŏng geh tăch proăt.