Kêng măng nđaơ, ta nkual ƀon têh Kon Tum, UBND n’gor Kon Tum ƀư Rƀŭn nchră mbơh Dăp rgum n’gor Kon Tum lvang 2021-2030, uănh tât năm 2050. Râng geh kruanh du đêt N’gâng kan, nău kan Trung ương n’hanh n’gor kiau ma. Ntoh ngơi ta Rƀŭn nchră mbơh Dăp rgum n’gor Kon Tum lvang 2021-2030, uănh tât năm 2050, Groi Thủ tướng Chính phủ Trần Hồng Hà lah rjăp, Dăp rgum n’gor Kon Tum dơi an tâm dĭng lĕ hun hao nkual Tây Nguyên, boăt nthoi đah duyên hải miền Trung n’hanh nkual Mê Kông.

Dăp rgum mbra lah nău pháp lý khlay pơk luh ăp trong, ntŭk ntô hun hao mhe an n’gor Kon Tum đah 4 n’gâng tơm khlay, geh: jêng nkual tăm dak si khlay ngih dak; hun hao lŏ mir công nghệ mhe, công nghiệp nkret njêng; hun hao ŭnh nar nkra njêng n’hanh pâl nđaih bah Kon Tum mbra jêng nău kan wăng sa ngăch, lĕ rngôch, nâp nâl n’hanh tâm ban nsĭng tâm wăng sa uĕh nđĭr, tâm pleh geh âk nău uĕh văn hóa rnoi nuĭh đêt.