Bâh bôk năm tât aƀaơ, lam n’gor Gia Lai kơp dơn geh 9 rơh rmok dak ƀư an 13 oh kon se khĭt, dŭt âk lah ta ăp ntŭk jêr jŏt, nkual rnoi đê̆.

Đoàn n’gor Gia Lai an gĭt, ăp năm, Đoàn druh ndăm hôm nha geh ƀư ăp jrô nti kơl an oh kon se jê̆ gĭt re dak. Ta năp nău oh kon se ta ăp nkual njônh ngai rmok dak âk, năm aơ ntŭk kan mbra mbơh tơih tât ăp ntŭk njônh ngai, tu tơm lah ăp cán bộ đoàn ta ntŭk kan ba dâng gay ma ăp oh kon hoc geh nău dơh nơih blău re dak. Wa Phạm Trần Anh, groi giám đốc ntŭk kan Lao động, thương binh n’hanh xã hội n’gor Gia Lai an lah, gay ma njrăng rmok dak ta oh kon se an geh nău nsum ti kan bâh lam ntŭk rêh jêng. Ngăn lah rnăk vâl an geh mât kơl lơn tay tâm nău mât n’hanh uănh njrăng oh kon se, ngăn lah ta rơh rlu nti tât tay.