Ta năp nĕ, nar naơ 22/1 Đại hội 14 bâh Đảng lĕ geh mbơh nău geh săch nuĭh kan n’hanh mbơh săk ăp đồng chí geh săch lăp kan ta Ban chấp hành Trung ương Đảng khoá 14.

Tĭng nău mbơh báo chí, tâm nar pah kan tal 4, Đại hội lĕ geh pah kan lĕ nar gay ma tâm nchră n’hanh ƀư tĭng ăp nkô̆ nău mpeh nău kan săch nuĭh kan Ban chấp hành Trung ương Đảng khoá 14. Tổng Bí thư Tô Lâm ndơn kan an Đoàn chủ tịch leo rơh rƀŭn nchră. Đồng chí Lê Minh Hưng, Uỷ viên Bộ chính trị, Bí thư Trung ương Đảng, Kruanh rnâng kan leo kan Trung ương ndơn kan an Đoàn chủ tịch mbơh nău mbơh tơih bâh Ban chấp hành  Trung ương Đảng khoá 13 mpeh nău kan săch nuĭh lăp kan ta Ban chấp hành  Trung ương Đảng khoá 14.

Đại hội lĕ geh ƀư tâm nchră n’hanh an tâm rgop mbơh tơih rnoh nuĭh Uỷ viên Ban Chấp hành Trung ương Đảng khoá 14 lah 200 đồng chí, geh 180 đồng chí Uỷ viên kan ngăn n’hanh 20 đồng chí Uỷ viên nchrăp kan. Ăp đại biêủ mĭn uănh, tâm nchră mbơh tơih nău kan nuĭh kan ta Ban chấp hành Trung ương Đảng khoá 14, ứng cử, đề cử n’hanh mĭn uănh ăp ntil săm ƀŭt, hồ sơ nuĭh kan.

Mpôl kan ta Đoàn chủ tịch djăt ăp đồng chí kruanh leo kan mbơh tơih mpeh nău geh tâm nchră bâh ăp mpôl Đại biêủ đah nău mbơh tơih nuĭh kan ta Ban chấp hành Trung ương Đảng khoá 14, nău ứng cử, đề cử, ăp nuĭh dăn rhoăt luh rnoh ứng cử, đề cử ta rnoh săk săch kan. Đoàn Chủ tịch mbơh tơih Đaị hôị n’hanh dăn nău tâm rgop yơr ti bâh rnoh săk nuih geh săch lăp ta Ban Chấp hành Trung ương Đảng khoá 14, săch rnâng kan kơp phiêú, rnâng kan kơp phiếu ntĭm mbơh nău săch nuĭh lăp kan.

Đại hôị ƀư nchih phiếu,nklăch phiếu, mbơh nău geh săch n’hanh mbơh rnoh săk ăp đồng chí geh săch lăp ta Ban chấp hành Trung ương Đảng khoá 14.