VOV4.M’nông- Ta n’gor Kon Tum bâh ntơm 23 mông măng nar 27/9, ntơm geh mih têh.Tât ơm ôi nar 28/9 ndrel đah mih têh, sial dăng n’hanh nău tat bâh phŭt mbrô 4 lĕ ƀư geh nău khuch khat bôk năp. Nău mbơh bâh UBND nkuăl Kon Plông, n’gor Kon Tum, dăch n’har đah n’gor Quảng Ngãi, yor geh nău khuch bâh mih sial, aƀaơ 5 xã bâh nkuăl aơ, geh: Đăk nên, Kon Plông, Măng Bút, Đăk Ring, Đăk Tăng n’hanh Pờ Ê lĕ mô geh điện.

Nău tât khuch khat yor mih sial mbrô 4 ta nkuăl Tu Mơ Rông

Nău tât khuch khat yor mih sial mbrô 4 ta nkuăl Tu Mơ Rông

Nău tât khuch khat yor mih sial mbrô 4 ta nkuăl Tu Mơ Rông

Ăp nkuăl: Tu Mơ Rông, Kon Plông, Đăk Glei...lĕ geh kơp dơn du đê̆ jay ƀon lan plôk chor. Ntoh geh âk ntŭk rluh neh, ntŭk dak băm ta trong hăn. Gay ma mât đăp mpăn ueh săk nơm n’hanh drăp ndơ an ƀon lan, bâh kêng măng n’hanh măng nar naơ ăp nkuăl tâm n’gor lĕ geh ƀư ntrơn klâp ma 600 rnăk ƀon lan đah rlău 2.500 nuĭh bâh nkual rđŭng, nkual mbra geh rluh neh tât ntŭk gŭ đăp mpăn.

VOV Tây Nguyên/ Nuĭh rblangThị Đoắt