Ta nar rgum mbơh ntĭm săch, nkoch mbơh nău kan an kon hŏk trung học cơ sở, oh Trần Thùy Tú, kon hŏk jrô 9D, ngih sam ƀŭt THCS Thành NHất, nkual ƀon têh Buôn Ma Thuột rvê djăt, nchih n’hanh janh dăn ôp. oh nkoch:

Tă bah nar rgum oh wât geh rlău mpeh nău ŭch ntĭm nti kơt nti nău kan ta ăp Ntŭk ntĭm nti nău kan. Jêng mbra geh nău tĭng săch uĕh an ăp băl kon hŏk mô tŏng dơi mô lah geh nău dơi. Ăp băl mbra geh njoăt hăn gay hun hao săk nơm kơt săch nău kan tâm di đah he lơn.

Aơ lah năm bôk năp N’gâng kan ntĭm nti n’gor Dak Lak ƀư “Nar rgum mbơh ntĭm săch kon hŏk, nkoch nău kan an kon nuĭh THCS”. Nai Nguyễn Thị Lương, ngih sam ƀŭt THCS Nguyễn Thị Minh Khai, nkual ƀon têh Buôn Ma Thuột an gĭt, Bôk nău rgop an tâm nchră “Ntĭm nti rƀŏng nău kan n’hanh nchrŏng trong tâm pă kon hŏk ntĭm nti phổ thống ta n’gor Dak Lak lvang 2018-2025” lĕ dơi ƀư bah jŏ, yơn âk ăp ngih sam ƀŭt ndâk ƀư êng trong nchrăp săch nkoch trêng jêng nău geh săk rnglăy n’hanh tâm ban mô âk. Tâm rnôk kon hŏk mĭn joi mpeh nti nău kan nar lơ âk.

 Băng: Geh du đêt oh mô ŭch mpeh nti văn hóa yơn dŭt gĭt mpeh ăp nău kan êng, jêng ăp oh dŭt uănh mĭn joi. Yơn ăp nar mbơh ntĭm kơt aơ kon hŏk ngih sam ƀŭt gâp dăn hăn dŭt âk, ŭch râng mĭn joi gĭt lơn mpeh ngih sam ƀŭt trung cấp nghề.

Râng mbơh ntĭm săch kon hŏk, mbơh nău kan an kon hŏk THCS, wa Đặng Như Thanh, ntoh măt ngih sam ƀŭt Trung cấp Dak Lak an lah, aơ lah nău ƀư khlay gay kơl ăp oh nchrăp lor lơn tâm nău mĭn joi gĭt n’hanh săk nơm nău kan tâm di đah n’hâm soan, nău ŭch săk nơm n’hanh nău ŭch kon nuĭh. Nău nti nău kan hôm e pơk luh an ăp oh dơi nti, n’hanh kơl rgop n’hŭch prăk nti:

Ăp oh nkre nti sam ƀŭt, nkre nti nău kan, ri bah kơi 3 năm ăp oh mbra geh du rơh 2 bằng. Trung học PT n’hanh bằng nti nău kan. Bah nĕ ăp oh dơi hao nti Cao đẳng, Đại học gay tĭng tay nău ŭch bah săk nơm. Bah meng nĕ Ngih dak aƀaơ geh âk nău kơl an ăp oh nkre nti nău kan, nkre nti sam ƀŭt, ăp nău kơl dŭt âk.

Năm nti 2004-2025, Dak Lak nchrăp geh nklăp 31.000 kon hŏk tốt nghiệp THCS, hao rlău 2.000 oh nkôp đah năm nti bah năp. Tâm rnoh aơ nklăp 23.000 oh mbra nti ăp ngih sam ƀŭt THPT tĭng rnoh nuĭh, rlău 4.000 kon hŏk nti ta Ngih sam ƀŭt ntĭm nti nău kan-Giáo dục thường xuyên, rnoh ƀa ƀă mbra ntĭm trong tâm pă ntĭm nti nău kan tĭng bôk naư rgop tâm nchră “Ntĭm nti nchrŏng nău kan n’hanh ntĭm pă kon hŏk tâm giáo dục phổ thông ta lam n’gor Dak Lak lvang 2018-2025”. Tĭng wa Đỗ Tường Hiệp, Groi Giám đốc N’gâng kan ntĭm nti n’gor Dak Lak, N’gâng kan dôl n’hao ƀư mbơh nti săch nti, nkoch mbơh nău kan an kon hŏk THCS gay ăp oh săch trong hăn tâm ti.

Nău kan ntĭm nti n’hao tay nău wât an rmôt nai, cán bộ mât uănh, rmôt nai, lơn lah kon hŏk, me bŏ kon hŏk n’hanh lĕ kon nuĭh dơi tâm pă jêh tôts nghiêpj THCS lah khlay. Ăp oh rgâl nău rêh bah nơm, nti nsơm bah nơm đah nău mô knŭng geh trong hăn đah ntị ma dơi đah trong hăn nti nău kan n’hanh dơi ndâk jêng nău rêh rgŏ năp bah nơm tă bah trong hăn nti nău kan.

Tă bah nău ntrôl dăn nău ƀư mbơh ntĭm săch nti, nkoch mbơh nău kan, mpŏng năm tât, me bơ̆ nhanh kon hŏk tốt nghiệp THCS ta Dak Lak mbra geh âk nău săch tâm di, dêr nău joi ndil ndâl ngih sam ƀŭt kơt năm nti bah năp./.