Kêng măng nđaơ, Mpôl Đại biểu Quốc hội n’gor Dak Lak lĕ ƀư Rƀŭn nchră mâp nuĭh ƀon lan rơh rƀŭn tal 7, Quốc hội 15. Ta rƀŭn nchră, nuĭh ƀon lan Dak Lak an lah, âk nău geh tât nău rêh nuĭh ƀon lan kơt: nău sŏk neh mô mbơh kloh rah wah, mbrơi trok tâm sŏk neh, jêr tâm nău ƀư ăp sam ƀŭt rgâl dŏng neh ta nkual ƀon têh BMT, bôl lĕ dăn đă âk tơ̆ yơn mô dơi ơh di, đê̆ đŏng du đêt ngih pah kan dơi kan geh tât mô hŏ ơh.

Bah meng nĕ, nuĭh ƀon lan Dak Lak dăn đă ăp gưl, ăp nău kan geh tât ntuh kơl, nkra ăp trong nkual têh n’hanh ta du đêt xă dôl tâm nău djơh hô; uănh tât ndâk ƀư dak bât; nkre uănh mĭn tay rnoh ntop kơl an cán bộ thôn, ƀon, tổ dân phố; geh nău ntop kơl bảo hiểm y tế an nuĭh rnoi mpôl đêt.