Ăp nar dja, Quân đoàn 34 (Bộ Quốc phòng) dôl du rơh an rdâk mon tay 100 mblâm jay an ăp rnăk ƀon lan ta Gia Lai n’hanh Dak Lak geh roh nhih jay tâm rơh dak bŭk mhe aơ tâm nê geh 70 mblâm jay ta Gia Lai n’hanh 30 mblâm jay ta Dak Lak.

Lôch dơn geh nău ntrŭnh đă, rlău 600 cán bộ, tahen ndrel âk ndơ dŏng kan hŏ ndăn ngăch hăn tât ăp ntŭk ƀư, tâm pă mpôl mât uănh nău kan tĭng nkual na nê̆, kan nsum lhăt đah n’gâng kan ta ntŭk n’hanh rnăk ƀon lan gay ndăn ngăch hăn uănh năl, nchrŏng trong n’hanh leo rdâk ƀư, đăp mpăn di kỹ thuật, đăp mpăn n’hanh rnoh ngăch ƀư; Đại tá Phạm Hồng Sơn, Groi Chính ủy Nhih nti Quân sự Quân đoàn 34 an gĭt, lĕ rngôch mpôl tahen, kơp lĕ ma y sĩ bah đơn vị, dơi rgum hăn gay đăp mpăn n’hâm suan bah tahen n’hanh nsĭt dơi nău kan đŏng. Quân đoàn 34 n’gluh rnoh tât ƀư wat jêh ăp mblâm jay bah năp nar 20/1/2026, kơl nuĭh ƀon lan ơm đăp mpăn nău rêh n’hanh wơt Tết tâm jay mhe.