Măng lơ 25/12 ta Hà Nội lĕ geh ƀư bôk nău ka “Hồ Chí Minh- njăr trong nău ŭch rŏng năm 2025” đah bôk nău “Việt Nam têh dăng”, ryơk n’hao mpư ntŭk kan, nuĭh kan ntoh lư lam dak tâm nău nti n’hanh pah kan tĭng nău mĭn, trong kan Hồ Chí Minh. Tâm 90 mnĭt, bôk nău kan geh mbơh tơih ueh ăp nău nkoch mpeh nău ntop kan, dơn kan, mĭn kan yor ntŭk rêh jêng, bâh nĕ trĕ lam âk nău khlăy ueh, njêng nău nsrôih răng dăng lơn an nău kan tâm rlong rŏng dak. Tât râng n’hanh ntoh ngơi, Tổng Bí thư Tô Lâm lah na nê̆, đah nău leo kan bâh Đảng, rơh cách mạng pă dăp ntŭk leo kan trong kan chính trị tĭng nău mĭn ueh rjăp, pah kan geh săk rnglăy tâm di geh ntrôl dăng lơn, mpŏng tât nău kan rdâk njêng n’gâng kan dăch ƀon lan, yor ƀon lan, ƀư tĭng  săk rnglăy ăp nău kơl an hun hao wăng sa- rêh jêng, mât kơl, n’hao nău rêh an ƀon lan. Tổng Bí thư Tô Lâm đă lĕ Đảng, lĕ trong kan Chính trị an geh n’hao tay nău nsrôih “Mô an geh du hê nuĭh nklơi tay ba kơi”, pơk hvi nău kan ntŭk hun hao an neh dak.