Năm 2025, n’gor Quảng Ngãi tât rnoh hun hao wăng sa 10,02%, dâk bôk năp lam nkual Nam Trung Bộ n’hanh Tây Nguyên. Nar 8/12, Ban Chấp hành Đảng bộ n’gor Quảng Ngãi ƀư Tâm nchră tâl 2, ƀư uănh năl nô nău tĭng ƀư nău dơn kan năm 2025, ntrŏng nău kan rgum tơm năm 2026 n’hanh tâm nchră, n’glêh an ăp nău kan rgum tơm mpeh n’glĕ nău dơi. Năm 2025, n’gor Quảng Ngãi ndăn dăp rgum tay nhih pah kan, nuĭh kan n’hanh an n’glăp dŏng n’gâng kan 2 gưl, tĭng kơn lăp kan đăp mpăn, mbluh soih; ƀư geh nău dơi đại hội đảng bộ ăp gưl n’hanh Đại hội đại biểu Đảng bộ n’gor lor bôk năp, năm kan 2025-2030.

Năm 2025, lĕ rngôch ndơ geh ƀư ta n’gor nchroh geh rlău 92 rbăn rmen prăk, hao rlău 10%, dâk bôk năp lam nkual Nam Trung Bộ n’hanh Tây Nguyên; dâk tâl 6/34 n’gor, nkual ƀon têh lam dak. N’gor hŏ tĭng ƀư jăp pah kan ăp tŏng geh lam rêh jêng kon nuĭh, wat jêh uĕh jut jăng jay nkưp nde, truh sat; pah kan n’hŭch ach o geh nău dơi uĕh; njrăng n’gang neh dak, rnă njrăng dơi mât nâp; rnă njrăng chính trị, rĭng grep, rngân uĕh lam rêh jêng kon nuĭh dơi đăp mpăn.