Nchroh mbơh năm aơ geh nklăp 11-13 rơh phŭt, n’hach ta Biển Đông, tâm nĕ 5-7 rơh phŭt, n’hach khuch tât neh kơh dak he. Rgâl trôk nar mih sial khuch tay ƀư hao nău mô uĕh bah trôk nar. Nĕ lah nău mbơh ta Rƀŭn nchră lam dak mpeh trong kan njrăng n’gang trôk nar n’hanh joi kơl nuĭh rmanh năm 2024 yor Groi Thủ tướng Trần Lưu Quang ƀư tơm ƀư ôi 10/5.

Kơp bah Tổng cục Khí tượng Thủy văn, N’gân kan Tài nguyên n’hanh Môi trường an saơ duh tâm 4 khay bôk năm ta ăp nkual ta lam dak hao âk lơn nkôp đah âk năm bah 0,5-1,5 độ C. Nkual Tây Nguyên n’hanh Nam Bộ lĕ geh duh n’hanh duh hô jŏ jong. Lăp dak chiăt bôh ta nkual Nam Bộ tât ơm n’hanh hô lơn âk năm. Tĭng wa Hoàng Đức Cường, Groi Tổng cục Khí tượng Thủy văn, rgâl trôk nar phŭt sial khuch tay ƀư hao nău mô uĕh, năm aơ geh trôk nar n’ăp duh phang, sial rwănh blông, mih tŭp bler. Aƀaơ El Nino đah duh phang dôl hŭch dơi geh rgâl nău La Nina đah mih, phŭt, dak lip, dak băm ntoh âk, rgum ta dŭt năm.