Tât râng nar tâm mâp, ăp mpôl  tâm rlong 2 nkô̆ nău: nău gĭt vât n’hanh pah kan ngăn. Tâm nkô̆ tâm rlong nău gĭt vât, ăp mpôl kan ƀư gâm ndơ sa an oh kon se tĭng nău mbơh na nê̆ bâh ăp ntil ndơ gâm n’hanh nău nkret ƀư ndơ sa.

Nău tâm rlong ƀư, nai nti n’hanh nuĭh kan pă ndơ sa bâh ăp mpôl kan lĕ geh ƀư gâm 10 ndơ sa n’hanh ndơ sa kêng măng bâh oh kon se đah rnoh khlăy 20 rbăn prăk/hê. An geh ƀư lah ndơ sa tŏng 4 rmôt geh: chất đạm, chất béo, chất bột n’hanh vitamin. Nar tâm mâp ƀư gâm ndơ sa an oh kon se mầm non năm 2024 yor n’gâng kan ntĭm n’hanh nti n’gor Kon Tum ƀư tâm 2 nar, bâh lơ 6 tât 7/4. Aơ lah rơh gay ma cán bộ mât uănh, nai nti, nuĭh pah kan ta ăp ntŭk kan ntĭm nti mầm non bâh n’gor tâm mbơh mpeh nău gĭt vât, nău dơi tâm nău dŏng, nkret ƀư ndơ sông sa kơl an oh kon se geh tay âk ndơ sa kah n’hanh mât đăp mpăn ndơ sa ueh kah.