VOV4.M’nông: Tâm rơh ƀư tâm n’ur kon se ntoh lư ăp rnoi mpôl lam dak tal 4, ôi lơ 23/9, ta Hà Nội, Trung ương Đoàn druh ndăm cộng sản Hồ Chí Minh, Hội đồng đội Trung ương ƀư nau rnê nkhôm “Kon se ăp rnoi mpôl đê̆ lam dak tal 4 năm 2022”. 263 kon se ntoh lư bah 54 rnoi mpôl oh nô geh rnê nkhôm ndrel ndơn Bằng khen bah Rnâng kan rđau kan Trung ương Đoàn.

Aơ lah ăp đội viên, kon se ăp rnoi mpôl geh nau blau tâm nau chiăr nti, nsôih râng ăp nau kan Đội, gơih kơt tĭng râng ăp nau pâl, ăp nau joi gĭt geh tât nau blau mât nau vay ơm ăp rnoi mpôl yor Hội đồng Đội Trung ương rgŏ jă. Ngăn lah, ăp oh mô êng lah kon se nti blau âk năm, ma hôm geh âk nau nhôm prêh tâm ăp rnôk tâm rlong./.

Nŭih rblang: H’Thi