N’gâng kan Chính trị, Ban Bí thư, ăp đồng chí leo kan tơm n’hanh đồng chí rnâng kan Ban Bí thư lĕ ntĭm đă sŏng dăng ăp ntŭk kan way kan rgum mpôl kan ăp giáo sư, nai dak si, nuĭh kan dak si, nuĭh way kan bôk n’gâng kan n’hanh ăp nău dơh nơih ngăn gay ma mât săm, mât chăm săk soan an đồng chí Tổng Bí thư.

Tât aƀaơ, yor nău đă an geh an lor tay ntêm mông nar gay ma đồng chí Tổng Bí thư đăp mpăn gŭ săm n’hanh  mât mât đăp mpăn leo kan nsum bâh rnâng kan Ban chấp hành trung ương Đảng, n’gâng kan chính trị, Ban Bí thư, knơm ta nău way pah kan bâh BCH Trung ương, n’gâng kan chính trị n’hanh Ban Bí thư khóa 13, năp măt n’gâng kan chính trị đă đồng chí Tô Lâm, Ủy viên Bộ chính trị, kruanh dak leo nău kan bâh BCH Trung ương Đảng, n’gâng kan Chính trị, Ban Bí thư tĭng nău dơn kan, nău dơi kan geh n’gâng kan chính trị ntrŭnh mbơh. N’gâng kan Chính trị kuăl đă lĕ Đảng, lĕ ƀon lan n’hanh lĕ tahen knơm lĕ rngôch ta nău leo kan bâh Đảng, mât uănh bâh ngih dak, n’hao nău tâm rnglăp, dơn ngoăy, nsum săk soan, n’hao tay ăp nău dơi geh, nău dơi têh khlăy, lĕ rngôch ma neh dak he lĕ dơi geh, nsrôih rlet rlău ăp nău jêr jŏt, nău ntul rlong, ƀư lôch ăp nkô̆ mpŏng kan Đại hội Đảng lam dak tal 13 ngluh mbơh, mât đăp mpăn chính trị, mât đăp mpăn ueh lăng, ƀư tơm, lĕ rngôch nkual neh n’hanh đăp mpăn rnă njrăng ngih dak, đăp mpăn rnă njrăng, lĕ ntŭk rêh jêng, ntrôl an hun hao wăng sa, rêh jêng, mât chăm ueh an nău rêh nău mĭn an ƀon lan.