Săk đồng chí Nguyễn Phú Trọng geh njor tâm ngih njor khĭt neh dak mrô 5 Trần Thánh Tông, Nkuăl ƀon têh Hà Nội.

Nau lăp chang đồng chí Nguyễn Phú Trọng geh ntơm ƀư tâm Ngih njor khĭt Neh dak mrô 5 Trần Thánh Tông, Nkuăl ƀon têh Hà Nội, ntơm tâm 7h mông ôi tât 10h măng lơ 25 khay 7 năm 2024 ndrel ntơm 7h ôi tât du mông kêng măng lơ 26 khay 7 năm 2024.

Nau ân geh lăp chang đồng chí Nguyễn Phú Trọng geh ƀư tâm rnôk du mông kêng măng lơ 26 khay 7 năm 2024 Ngih njor khĭt neh dak, mrô 5 Trần Thánh Tông, Nkuăl ƀon têh Hà Nội.

Nau ƀư leo tâp rnôk 3h kêng măng ndrel nar tâm môch tâp Mai Dịch, Nkuăl ƀon têh Hà Nội.

Nau leo chang đồng chí Nguyễn Phú Trọng geh ƀư ndrel nar tâm Ngih rƀŭn Thống Nhất, nkuăl ƀon têh Hồ Chí Minh ndrel tâm ƀon tơm tâm xã Đông Hội, nkuăl Đông Anh, nkuăl ƀon têh Hà Nội.

Ntŭk kan ntoh rup Việt Nam ndrel Radio Việt Nam mra mbơh nkoch sŏng dăng nau leo ƀư chang ndrel nau leo tâp đồng chí Tổng Bí thư Nguyễn Phú Trọng tâm Hà Nội, nkuăl ƀon têh Hồ Chí Minh.

Tâm bar nar lam neh dak ƀư ver (25/7/2024-26/7/2024), ăp ntŭk kan, công sở, ntŭk geh rgum âk nŭih kŏ yông n’ha cờ ver khĭt, mô ƀư ăp nau kan pâl n’aih tâm ntŭk âk nŭih.