Đồng chí Nguyễn Phú Trọng, Tổng Bí thư Ban chấp hành Trung ương Đảng, Bí thư Quân ủy Trung ương, deh nar 14/4/1944, ƀon tơm ta xã Đông Hội,  nkuăl Đông Anh,  nkuăl ƀon têh Hà Nội. way gŭ ta ngih mbrô 5, phố Thiền Quang, phường Nguyễn Du, nkuăl ƀon têh Hai Bà Trưng, nkuăl ƀon têh Hà Nội.

Tât râng pah kan bâh năm 1967, lăp Đảng Cộng sản Việt Nam lơ 19/12/1967. Ủy viên Ban Chấp hành Trung ương Đảng khóa VII, VIII, IX, X, XI, XII, XIII; ủy viên n’gâng kan chính trị khóa VIII, Tổng Bí thư Ban chấp hành Trung ương Đảng Cộng sản Việt Nam khóa XI,. XII; Tổng Bí thư Ban chấp hành Trung ương Đảng cộng sản Việt Nam ăp khóa XI, XII, XIII; kruanh dak Cộng hòa xã hội chủ nghĩa Việt Nam năm kan 2016-2021, kruanh Hội đồng mât rnă njrăng đăp mpăn, Bí thư Quân ủy Trung ương, Ủy viên Ban thường vụ Đảng ủy Công an Trung ương, kruanh rnâng kan ntĭm leo trung ương mpeh njrăng, rdâng sa nkhiăn, sa ƀer, nău kan mô ueh mô di. Đại biểu Quốc hội ăp khóa XI, XII, XIII, XIV, XV.

Lôch tă âk năm geh nău ji hô, bol ma lĕ geh Đảng, ngih dak, ăp mpôl kan giáo sư, nai dak si bôk năp n’gâng kan dŭt nsrôih mât săm, rnăk vâl lĕ nuih n’hâm mât chăm, yơn yor săk lĕ ranh, nău ji hô, đồng chí lĕ tăch n’hâm rnôk 1 mông 38 mnĭt kêng măng lơ 19/7/2024 nĕ lah nar 14/6 năm Giáp Thìn, ta gnih dak si Trung ương Quân đội 108, Hà Nội, rêh tât 80 năm deh.

Bơi tât 60 năm pah kan, Đồng chí lĕ geh âk nău ntop kan têh khlăy, ntoh lư đah nău kan cách mạng ntoh ang bâh Đảng n’hanh mpôl rnoi. Đồng chí geh Đảng, Ngih dak pă an Huân chương Sao vàng, Huy hiệu 55 năm Đảng n’hanh âk Huân, Huy chương khlăy êng bâh Việt Nam n’hanh lam ntur neh.

Đồng chí khĭt lah du nău roh jot têh đah Đảng, ngih dak, ƀon lan he n’hanh rnăk vâl đồng chí. Gay ma mpơl nău rngot klâng n’hanh kahgĭt tât đồng chí Tổng Bí thư Nguyễn Phú Trọng, Ban chấp hành Trung ương Đảng Cộng sản Việt Nam, Quốc hội dak Cộng hòa xã hội chủ nghĩa Việt Nam, kruanh dak Cộng hòa xã hội chủ nghĩa Việt Nam, Chính phủ dak Cộng hòa xã hội chủ nghĩa Việt Nam, Ủy ban trung ương Mặt trận Tổ quốc Việt Nam ntrŭnh mbơh ƀư njor khĭt đồng chí Tổng Bí thư Nguyễn Phú Trọng đah nău way ver khĭt ngih dak.

BAN CHẤP HÀNH TRUNG ƯƠNG ĐẢNG CỘNG SẢN VIỆT NAM

QUỐC HỘI DAK CỘNG HÒA XÃ HỘI CHỦ NGHĨA VIỆT NAM

KRUANH DAK CỘNG HÒA XÃ HỘI CHỦ NGHĨA VIỆT NAM

CHÍNH PHỦ DAK CỘNG HÒA XÃ HỘI CHỦ NGHĨA VIỆT NAM

ỦY BAN TRUNG ƯƠNG MẶT TRẬN TỔ QUỐC VIỆT NAM.

                                                              VOV