Nău nchrăp kan aơ lah nău ntil ndơ geh ƀư nsum, nău nsrôih tâm rnglăp rlet rlău nău jêr jŏt bâh Điện Biên lôch 3 năm kơp bâh ntơm nar Thủ tướng Chính phủ an dŏng nău kan nchrăp kan n’gor.

Bâh aƀaơ tât năm 2030, n’gor Điện Biên lĕ geh nchrăp kan gay ma jêng ngoăy tâm âk ntŭk kan tơm mpeh pâl nđaih, nău kan dak si bâh nkual, ndrel đah 4 nău kan tơm khlăy, 3 nkual wăng sa n’hanh 4 ntŭk hun hao, sŏk nău ntuh kơl ndơ dŏng ntung trong hăn lor lah nău mhe. Ntoh ngơi ta rơh ntĭm leo ta rơh rƀŭn nchră, Groi Thủ tướng Chính phủ Trần Hồng Hà an lah nău nchrăp kan n’gor mbra lah nău nsrôih, nău trĕ lam mhe an Điện Biên. Yơn lah, aơ mhe lah njoat hăn bôk năp, Điện Biên an geh uănh khlăy ƀư tĭng geh săk rnglăy nău nchrăp kan mpŏng tât hun hao ueh nđir, nâp nâl, tâm ban đah nău dơi ơm geh.