Lôch 1 năm mbơh ƀư Nghị quyết 57 bâh n’gâng kan Chính trị, trong kan khoa học, công nghệ, rgâl mhe mĭn kan n’hanh rgâl mhe rnoh mbrô lĕ dơi geh âk nău dơi bôk năp dŭt khlăy,  ndrel đah nău ƀư lôch trong kan, nău ntĭm đă, leo kan bâh trung ương tât ntŭk kan ba dâng. Rgâl mhe rnoh mbrô ta dak he lĕ ngăn ngên hun hao đah âk nău geh na nê̆ ta lam ntur neh kơt: rnoh mbrô ndơ dŏng ntung trong viễn thông pă dăp hạng 67, nău ngăch internet  pă dăp mbrô 18, Chính phủ điện tử pă dăp 71... Ngăn lah nău kan rgâl mhe mĭn kan bâh Việt Nam pă dăp tal 44 ta lam ntur neh. Lam dak geh klâp ma 4 rbăn doanh nghiệp ntơm njêng nău kan mhe. Ta rơh rƀŭn nchră, Tổng Bí thư Tô Lâm lah na nê̆ nău kan khlay ngăn- geh nău kan tơm n’hanh glo gâng bâh khoa học, công nghệ, rgâl mhe n’hanh mĭn kan rgâl rnoh mbrô. Aơ lah nău đă khlay gay ma hun hao ngăch n’hanh nâp nâl neh dak ta rơh let năp tay. Tổng Bí thư mbơh tơih 7 nău mpŏng kan n’hanh lah ăp nkô̆ nău geh nău mĭn kan ntĭm đă ăp n’gâng kan, ăp ntŭk kan ta ntŭk rgum mât uănh, ƀư tĭng, tâm nĕ dơn ngoăy uănh năl ntrong kan bâh năm 2026 lah “pah kan mhe, trĕ lam nău geh”.