Ta năp nĕ, ôi lơ 11/6, Đảng ủy Công an trung ương tâm rgop đah ntŭk kan trung ương Đảng n’hanh rnâng kan leo kan trung ương ƀư rơh mbơh tơih nău mbơh quyết định bâh n’gâng kan chính trị nchŏng săch đồng chí Thượng tướng Lương Tam Quang, Ủy viên Trung ương Đảng, kruanh n’gâng kan công an mât kan ƀư Bí thư Đảng ủy Công an Trung ương năm kan 2020-2025.

Ntoh ngơi ta rơh dơn nău kan, kruanh n’gâng kan Lương Tam Quang lah ueh kơp dơn, knơm, pă nău kan bâh Đảng, sŏng dăng lah Bộ chính trị, Ban Bí thư, đồng chí Tổng Bí thư Nguyễn Phú Trọng đah êng đồng chí nơm. Kruanh n’gâng kan Lương Tam Quang ton ta nău kan mhe mbra tâm rnglăp, dơn ngoăy, ndrel đah ntŭk kan Đảng ủy Công an Trung ương ndơn kan, n’hao nău way ơm têh kuăng, ƀư tĭng răng dăng, geh săk rnglăy nău kan, nău pă joa. Mât mbro ƀư tĭng răng dăng Cương lĩnh chính trị, Điều lệ Đảng, ăp nău way bâh Đảng, ngăn lah nău way rgum ƀư tơm, mpư n’hao nău dơi kan hăn lor bôk năp, n’hao nău nănh mĭn nănh kan, nănh dơn kan, lĕ nuih n’hâm, lĕ săk soan yor an nău kan nsum.