Ƀư tĭng nău ntĭm đă bâh Thủ tướng Chính phủ, kruanh n’gâng kan leo kan tahen n’gor lĕ leo kan mbơh ôp nău bâh UBND n’gor n’hanh rnâng kan mât njrăng an đă mpăn ƀon lan n’gor mbơh tơih nău kan, uănh năl kơl an ƀon lan ơm geh ngih jay đăp mpăn, ueh lăng lah nău kan tơm khlăy, an lor bôk năp. Mpôl kan tơm khlăy geh tahen way kan n’hanh ƀon lan mât đăp mpăn êng lĕ geh tât râng rklaih đăp mpăn ntŭk gŭ rêh, nkra mhe, ƀư mhe ngih jay gŭ an ăp rnăk ƀon lan geh nău khuch khat. Tâm lĕ rnoh 35 ngih jay geh ƀư, geh tât 6 ngih jay ƀư mhe n’hanh 29 ngih jay nkra mhe, lĕ rngôch geh ƀư lôch n’hanh pă jao an nuĭh ƀon lan ta năp nar ton. Lĕ rnoh prăk ƀư kan rlău 2,9 rmen prăk, rgum lĕ tơm prăk ta n’gor, ăp rnoh kơl kan n’hanh bơi tât 2.500 nar kan bâh cán bộ, tahen.