VOV4.M’nông- Nar naơ 15/9, ta nkuăl ƀon têh Pleiku, ngih dak si têh n’gor Bình Định n’hanh ngih dak si têh n’gor Gia Lai ƀư rơh ký tâm ton nău kahgĭt n’hanh tâm ton nău kơl kan uănh - săm ji, ndơ̆ mbơh kĩ thuật mpeh nău way kan tâm trong kan dak si. ngih dak si têh n’gor Gia Lai mhe geh ntuh kơl rvăt máy DSA ueh mhe.

Máy DSA dŏng tia X chup trong rse mham tâm săk n’hanh dŏng ăp kĩ thuật lăp săm tâm trôm rse mham ma mô kâp rek săm. Aƀaơ  máy DSA ueh mhe lĕ geh ntrŭp ta khoa tim mạch, ngih dak si têh n’gor Gia Lai. Wa Phạm Bá Mỹ, Giám đốc ngih dak si têh n’gor Gia Lai an gĭt, nău tâm kơl uănh săm ji, ndơ̆ mbơh kĩ thuật đah bar ngih dak si mbra kơl an n’gor Gia Lai geh tay nău dơi mbơh ƀư ăp kĩ thuật khlăy, n’hao nău dơi uănh săm ji ta ntŭk an ƀon lan ta n’gor lah êng nuĭh ƀon lan ăp n’gor dăch meng lah nsum, bah nău ndơ̆ nuĭh ji săm tât ntŭk êng.

Nuĭh rblang: Thị Đoắt