Jêh 2 nar pah kan ndăn ƀon lan ƀư tơm n’hanh lĕ đah nău kan, Rƀŭn nchră rơh tal 15 Ban Chấp hành Trung ương Đảng khóa 13 lĕ jêh lĕ rngôch nkô̆ nău, Bôk nău kan n’gluh an đah nău tâm rnglăp, tâm ban ŭch âk. Tổng Bí thư Tô Lâm ƀư tơm n’hanh geh nău ntoh ngơi n’glôch jêh rƀŭn khlay.

Tổng Bí thư nkoch kloh, Ban Chấp hành Trung ương lĕ tâm nchră dŭt n’hâm, na nê̆ n’hanh tâm ban ŭch mbơh an Dự thảo Mbơh bah Ban chấp hành Trung ương khóa 13 mpeh ăp Văn kiện mbơh an Đại hội 14 bah Đảng. Trung ương mĭn lah tâm lvang cách mạng mhe, an rgum ƀư tĭng 3 rgâl hao têh, nĕ lah rgâl hao têh dăng mpeh trong ƀư hun hao, ntrôl dăng tâm pă gưl kan, ntrôl rgâl hao mpeh khoa học, công nghệ, rgâl mĭn ƀư mhe, rgâl mrô; Rgum rgâl dăp, n’hao uĕh nuĭh kan, rgâl mhe têh dăng trong kan cán bộ; Lôch jêh rĭng tay n’hanh rgâl hao dăng tâm ndâk njêng ntung trong wăng sa rêh jêng. Ban chấp hành Trung ương lĕ tâm ban ŭch mbơh nău mbơh mpeh trong kan nuĭh kan gay mbơh an Đại hội rơh tal 14 bah Đảng; nkre lĕ tâm na nê̆ nkô̆ nău ăp trong kan nchrăp gay ƀư lôch uĕh Đại hội 14 bah Đảng