Ntoh ngơi ta rơh nglôch lôch, kruanh  Quốc hội Vương Đình Huệ đă, Quốc hội an geh n’hao nău mĭn kan lập pháp leo kan, uănh nđôi an geh săk rnglăy, nău ntrŭnh kan  răng dăng , hun hao mhe” gay ma ndrel đah chính phủ, ăp ntŭk kan tâm trong kan chính trị geh ƀư dơi nău kan hun hao wăng sa, rêh jêng năm 2024 n’hanh lvang năm 2021-2025, ndơ̆ neh dak hun hao wăng sa ngăch n’hanh nâp nâl.

Nău Quốc hội an dŏng Luật neh ntu rgâl mhe lĕ ƀư lôch ngoăy tâm âk nău kan lập pháp  khlăy bôk năp bâh năm kan QH khóa 15. Quốc hội lĕ geh mbơh tơih Nghị quyết mpeh du đê̆ nău kan, nău kơl kan ƀư tĭng ăp bôk nău kan nkô̆ mpŏng ngih dak. Tĭng nău mbơh bâh kruanh QH Vương Đình Huệ aơ lah njoat hăn nthoi tay nău geh uănh nđôi gâl têh mpeh bôk nău kan aơ bâh Qh ta rơh rƀŭn nchră ba năp. Quốc hội lĕ an gĭt pă an, dŏng bơi tât 64 rbăn rmen prăk an ăp nău kan, nău nchrăp kan ta 5 trong kan, mât rnă njrăng ngih dak, rnă njrăng đăp mpăn, mât uănh ngih dak, khoa học công nghệ n’hanh mât uănh ntung trong, tâ nĕ an bơi tât 58 rbăn rmen prăk an 32 nău kan ƀư trong hăn tơm.