Ntoh ngơi ta rơh nglôch lôch, kruanh Quốc hội Vương Đình Huệ lah na nê̆, nthoi tay n’hanh n’hao nău dơi ueh bâh rơh rƀŭnh nchră tal 6 BCH Trung ương Đảng khóa 13, QH lĕ n’hao nău dơn kan, rgum lĕ nău mĭn, nău kan doh rklaih âk nău kan khlăy đah nău tâm ban kan, tâm di âk.

Ta rơh rƀŭn nchră aơ, QH lĕ geh mbơh bâh 6 luật, 03 nghị quyết geh nău ntrŭnh pháp luật, an tâm rgop nău ta 2 nău nchrăp Luật uănh săm ji, săm ji (rgâl mhe), tâm nchră rơh bôk năp nău nchrăp kan Luật neh ntu mhe rgâl n’hanh 06 nău nchrăp luật êng. Lôch rơh rƀŭn nchră aơ, kruanh QH dăn đă, ăp nuĭh đại biểu QH ơm geh tâm mâp ƀon lan gay ma mbơh tơih  nău geh rơh rƀŭn nchră, mât nău tâm boh kan na nê̆, djăt nău tâm rgop, nkoch nău ngăn nău tâm rgop n’hanh nău ŭch rŏng bah ƀon lan, nsrôih uănh nđôi nău doh rklaih ăp nău dăn đă, phong lah nduĭh lah bâh ƀon lan.