N’gâng kan ntĭm nti n’gor Đăk Nông năm nti aơ mô tŏng 1.545 biên chế, hôm n’gâng kan dak si n’gor aƀaơ dôl mô tŏng 664 biên chế. Rnoh biên chế dôl mô tŏng aơ rgum bâh âk năm n’hanh ăp năm lơ ma hao. Bol ma n’gor lĕ geh dŏng lor Nghị định 111 năm 2022 bâh chính phủ gay ma tâm ton kan đah 643 nuĭh kan yơn mô tŏng tâm nău kan ntĭm nti n’hanh dak si, ngăn lah đah nkual njônh ngai, nkual ƀon lan rnoi đê̆. Wa Lê Văn Chiến, groi kruanh rnâng kan UBND n’gor Đăk Nông an gĭt, geh âk nău mô dơi tâm nău pă biên chế n’gâng kan ntĭm n’hanh nti đah du đê n’gor gôl yôk, rnoh nuĭh hao dŭt ngăch n’hanh ƀon lan gŭ rêh ta ăp ntŭk. Rnoh biên chế geh pă an đê̆ lơn đah rnoh n’huch biên chế ăp năm, jêng tât 2 n’gâng kan khlăy aơ ơm mô tŏng rĭ aƀaơ lơ ma mô tŏng lơn.