Ôi 17/11, ta nkual ƀon têh Kon Tum, Ban Thường vụ N’gor đoàn Kon Tum ƀư rnê “Nuĭh mom ntoh lư” rơh tal 6, năm 2022 n’hanh ăp ndơ nkhôm tâm rlong bah rmôt đoàn đah tât râng bah rlău 150 đoàn viên druh ndăm.

Wa Y Ngọc, Groi Kruanh UBND n'gor Kon Tum an Bằng khen an ăp nuĭh mom ntoh lư

Ntoh ngơi ta bôk nău kan, Bí thư n’gor đoàn Kon Tum Xiêng Thanh Phúc mĭn lah, ăp nuĭh, nsum mpôl dơi UBND n’gor, Ban Thường vụ n’gor đoàn rnê, nkhôm lah ăp nuĭh ntoh lư nti n’hanh ƀư tĭng nău wa. Tâm rnoh ăp nuĭh, nsum mpôl dơi rnê, nkhôm geh 52 druh ndăm ntoh lư ƀư tĭng nău Wa; 15 nuĭh mom ntoh lư; 41 nuĭh nai mom, kon hŏk, sinh viên, 9 rmôt, 17 êng nuĭh geh nău blău nti, pah kan n’hanh ntrong leo druh ndăm rchong n’gor Kon Tum năm kan 2017-2022.