Ôi lơ 23/11, ta nkuăl ƀon têh Kon Tum, n’gor uỷ Kon Tum ƀư nau rƀŭn lôch ndrel pă nau nkhôm Báo chí ndâk njêng Đảng n’gor Kon Tum tal II năm 2022. Jêh bơi tât du năm rgŏ jă, Ntŭk kan Rnâng kan ƀư nau Nkhôm Báo chí nkoch tât nau ndâk njêng Đảng n’gor Kon Tum tal II năm 2022 ndơn geh rlau 160 nau nchih bah bơi tât 130 nŭih, rmôt nŭih râng. ĂP nau nchih tâm dăch ma nkô̆ nau ndâk njêng Đảng.

Tâm nar rƀŭn, Rnâng kan pă du Giải A, 8 Giải B ndrel 12 giải C ân ăp ntil báo in, điện tử, ntoh rup ndrel ntoh ngơi. Tâm nar rgum ndrel pă nkhôm Báo chí mpeh nau ndâk njêng Đảng n’gor Kon Tum tal II năm 2022, n’gor Kon Tum hŏ rgŏ jă nau Nkhôm Báo chí mpeh nau ndâk njêng Đảng n’gor Kon Tum tal III năm 2023. Tĭng nê, nŭih việt Nam tâm ndrel bah dih n’gor geh nau nchih mpeh nau kan ndâk njêng Đảng bah n’gor Kon Tum hŏ nchih, ntoh ngơi ăp ntil báo kŏ geh nau dơi njoăl nau rlong./.