Ôi nđa; (9/7), N’gor đoàn Dak Lak ƀư hăn pah kan druh ndăm kơl kan yan rlu nti năm 2024. Đah 12 rmôt way kan, bôk nău kan yan rlu nti mbra ƀư hăn ăp ntŭk sĭt ăp ƀon lan đah ăp nău ƀư ngăn ngên. Năm aơ, nău kan druh ndăm kơl kan yan rlu nti n’gor Dak lak dơi ƀư ta 15 nkuăl, nkual têh n’hanh nkual ƀon têh đah 7.220 druh ndăm kơl kan tât râng.

Tâm nĕ geh rlău 7.000 druh ndăm ta ăp ntŭk n’hanh 180 sinh viên kơl kan gưl n’gor n’hao sĭt bah dâng. Ăp sinh viên kơl kan pă ƀư 12 rmôt way kan, ƀư tĭng 7 rmôt nău kan, geh: ntop kơl ƀndơ ƀư, gưl nău kan druh ndăm ndâk njêng thôn ƀon mhe; ƀư tĭng Rgum lăp lam ntŭr neh; Yor mpôl oh he; mât ndrăy nău uĕh văn hóa rnoi nuĭh; Rgâl mrô ntŭk gŭ rêh; Nău gĭt blău druh ndăm kơl kan n’hanh Truyền thông.