Tâm mhe aơ, n’gor Gia Lai way geh ăp rơh rmok dak, lơn âk geh rmok ta kon se hăn nti. Nău ngăn geh dja nhih pah kan dơi kan, lam rêh jêng kon nuĭh n’hanh rnăk wâl ân mât ŭanh khlay lơn đŏng tâm nău mât njrăng n’hanh mât chăm kon se, lơn lah tâm khay rlu nti.

Ntơm bah bôk năm tât aƀaơ, ta n’gor Gia Lai geh 7 tơ̆ rmok dak lơh bơi 10 kon se khĭt. Tâm nê nuĭh khĭt rmok dak geh âk ta ăp nkuâl kơt Krông Pa, Đăk Đoa, Kbang. Nuĭh rmok lah ăp  kon se jê̆ dôl tâm năm hăn nti, way hăn luh lŏ sre, dak me dak diăng, luh mir tiăp ndrôk rpu, hăn kơl  me  bơ̆ joi nău rêh. Wa Phạm Trần Anh, Groi Giám đốc Sở Lao động Thương binh n’hanh Xã hội n’gor Gia Lai an lah, ndrel đah nău n’hao nău  gĭt êng,  n’hanh ntĭm nti kon se gĭt mât đăp mpăn săk rêh rnôk geh tŭp tâm dak, ăp rnăk ân mât uănh nău kan pâl rlưn bah kon se lơn lah tâm khay rlu nti./.