Ôi 3/4, ta Hà Nội, Đảng ủy Khối ăp nhih pah  kan Trung ương ƀư tâm nchră cán bộ n’gâng tơm tĭng ƀư rêng nkoch mbơh săk nuĭh dăp rgum Ủy viên dự khuyết Trung ương Đảng khóa XIV, năm kan 2026-2031.

Lah ta rnôk tâm nchră, Bí thư Đảng ủy Khối Nguyễn Văn Thể an gĭt, nău tĭng ƀư rêng nkoch mbơh săk nuĭh dăp rgum Ủy viên dự khuyết Trung ương Đảng lah nău kan geh nkô̆ dŭt khlay, rgop rdâk njêng rmôt cán bộ gưl têh jŏ jong bah Đảng. Lah rjăp ăp nău di nkoch mbơh săk nuĭh dăp rgum Ủy viên dự khuyết Trung ương Đảng khóa XIV, năm kan 2026-2031, Bí thư Đảng ủy Khối lah kloh, nuĭh dơi nkoch mbơh săk nuĭh dăp rgum ân geh nuih n’hâm chính trị, nuih n’hâm  uĕh lŏng, trong gŭ rêh, nău gĭt êng leo ƀư, tĭng jăp; way leo lor tĭng jăp gung trong, nghị quyết bah Đảng n’hanh Hiến pháp, pháp luật bah Ngih dak, geh nău dơn kan âk tâm pah kan, rđău đă n’hanh leo tĭng ƀư nău dơn kan dơi jao. Ta tâm nchră, ăp đại biểu hŏ ƀư nklăch phiếu n’hanh tâm ban ŭch âk mbơh nkoch 1 hê nuĭh kan bah Đảng ủy Khối dăp rgum Ủy viên dự khuyết Trung ương Đảng khóa XIV, năm kan 2026-2031.