Uănh lah prêh nău nkra rgâl rơh aơ, Kruanh Quốc hội Trần Thanh Mẫn lah rjăp nău tơm khlay aƀaơ lah rgâl mhe ntrong ƀư mât uănh đăp mpăn ndơ sông sa bah chah chrai an kloh du ntŭk. Kruanh Quốc hội đă an mĭn uănh kloh du ntŭk lĕ đah nău kan n’glêh dŭt. Wa đă uănh mĭn kloh moh rmôt Ngih dak uănh năl bôk năp, moh rmôt doanh nghiệp trok dơn lĕ đah nău kan, moh rmôt ƀư uănh năl bah kơi.

Kruanh Quốc hội an lah, an ntrŭnh kloh rnoh an ƀư tâm pă tĭng ntil nău geh tâm Luật mô lah jao an Chính phủ nkre an tĭng ndơ ƀư gay dêr dah lơh. Kruanh Quốc hội lah rjăp, Luật đăp mpăn ndơ sông sa (nkra rgâl) rnôk an ơh nău geh 3 nău ôp. Ngoay lah, ndơ sông sa tât ty nuĭh ƀon lan geh đăp mpăn đŏng lah mô? bar lah, doanh nghiệp tĭng ueh geh đêt samƀŭt đŏng lah mô? Pe lah, rnôk geh nău tât dơi joi tu tơm, dơi năl lĕ đah nău kan n’hanh mkra tŏng ngăch đŏng lah mô? Wa nkre đă ăp ngih pah kan uănh lah kloh gay lôch jêh, ndơ̆ an tâm nău tâm nchră ta rƀŭn nchră đại biểu Quốc hội chuyên trách n’hanh ntĭm mbơh an ta Rơh rƀŭn tal 3 bah Quốc hội.