Jêh rnôk geh Thủ tướng Chính phủ kơp dơn nkuăl ƀon têh Kon Tum geh đô thị loại II tâm n’gor Kon Tum tâm khay 1/2023, n’gâng kan nkuăl ƀon têh Kon Tum hŏ ntrŭnh ƀư 3 nau kan, đah rnoh tơm prăk ntuh kơl rlau 400 rmen gay ma nkra nâp đô thị. 3 nau kan geh rgâl đô thị geh n’gâng kan nkuăl ƀon têh Kon Tum, n’gor Kon Tum rgum tâm nau nkra meng trong, trong hoch dak, tơm si tăm ndrel ntrong mpoh ang tâm trong, đah rnoh jong rlau 6.500m.

Tĭng nau nchrăp, dĭng lĕ meng trong tâm nkuăl ƀon têh geh lăk đah lŭ Granite. Trong hoch dak geh rgâl đah dĭng têh. Đah ăp trong geh tơm si têh mô tâm di ntil geh rgâl ma tơm mhe ndrel dak ndŏk hoch bah ăp rnăk geh ntuh kơl mhe trong hoch rgum. Tĭng nau nchrăp, 3 nau kan nkra ueh đô thị nkuăl ƀon têh Kon Tum, n’gor Kon Tum mra jêh tâm khay 10/2024, khay 4/2025 ndrel khay 7/2026./.