VOV4.M’nông- Nar 26/9, ntoh ngơi ta rơh rƀŭn nchră trực tuyến lam dak mpeh ntrôl dăng rnoh prăk ntuh nsum n’hanh ƀư tĭng 3 bôk nău kan nkô̆ mpŏng ngih dak, Thủ tướng Chính phủ Phạm Minh Chính đă, an geh nsrôih n’hanh mbơh tơih ăp trong kan an răng dăng tay lơn nsrôih ƀư lôch ta rnoh dŭt âk nău kan mpeh pă prăk ntuh kơl nsum ta năm 2022. Mpeh nău kan let năp tay, Thủ tướng đă ăp n’gâng kan, ntŭk kan an geh pă prăk na nê̆ 75 rmen prăk hôm e an ăp nău nchrăp kan tŏng nău dơi kan. ăp rmôt pah kan an geh mbơh ƀư nău kan, nkre uănh nđôi, ntrŭt đă, nkre lah rgŏ jă ăp ntŭk kan, nkre lah doh rklaih ăp nău jêr, kŏ văk. ăp n’gâng kan, ntŭk kan, ăp n’gor an geh tâm rgop na nê̆ tay lơn, der nău kan vĭ wĕ jêr jŏt. Thủ tướng đă, ăp ntŭk kan geh dŭt nsrôih mât uănh gĭt nău kan, rgum, mbơh tơih mpeh ăp nău jêr, kŏ văk tâm nău ngăn n’hanh mbơh ăp trong kan, gay ma bâh nĕ ăp ntŭk kan n’gâng kan ngăch ndal rmal dâl.

                                        VOV.VN

                                                  Nuĭh rblang: Thị Đoắt