Ôi 20/5, ta rơh ntơm pơk rơh hop tâl 7 Quốc hội khóa XV, dơn nău đă bah Thủ tướng Chính phủ, Groi Thủ tướng Lê Minh Khái rŏ siƀŭt mbơh uănh năl kơi ntop lôch jêh tĭng ƀư trong nchrăp hun hao wăng sa- rêh jêng kon nuĭh n’hanh ngân sách ngih dak năm 2023; nô nău tĭng ƀư trong nchrăp hun hao wăng sa- rêh jêng kon nuĭh n’hanh ngân sách ngih dak ăp khay bôk năm 2024. 

Mbơh bah năp Quốc hội, Groi Thủ tướng Chính phủ Lê Minh Khái an gĭt ăp khay bôk năm 2024, wăng sa têh đăp mpăn, hao khlay ndơ  dơi mât kân. Hun hao GDP quý I-2024 geh 5,66%, dŭt âk tâm lvang năm 2020 – 2023. Kơp tât lĕ năm 2023, hŏ rong an geh nklăp 680.000 rmen prăk gay tĭng ƀư trong kơl prăk khay mhe. Mpeh nău dơn kan n’hanh trong nkra tơm khlay, Groi Thủ tướng hŏ nkoch 11 rmôt nău  kan ân nkra tâm let năp tay, tâm  nê, an ntrŭt ntrôl hun hao  lor đah đăp mpăn wăng sa têh; kan nsum lhăt, geh nău tam, tâm ban ăp trong mât bôk wăng sa têh.  Ndrel đah nê, ƀư wat jêh  tay nuĭh kan ngih dak kloh uĕh, glêh tam, nsĭt geh nău dơi kan âk; rgâl mhe mât ndơ dŏng, công chức, rdâk njêng rmôt cán bộ, công chức geh tŏng nuih n’hâm uĕh lŏng, nău  dơi kan, kloh rsang, lah nuĭh rhŏ dŏng kan ngăn an ƀon lan; an ƀư trong kơl prăk  khay mhe ntơm bah nar 1/7/2024.