Lŏ rơh rƀŭn tal 2, kêng măng 9/11, Quốc hội tâm nchră ta ngih rƀŭn mpeh nau nchrăp Luật rgâl nkra, ntop tay du đê̆ điều bah Luật Kon se, Luật nŭih rven rvo, Luật khám ji, săm ji, Luật Dược, Luật nŭih âk năm deh ndrel Luật Bảo hiểm y tế ndrel nau nchrăp Luật rgâl nkra, ntop tay du đê̆ điều bah Luật njrăng, rdâng nau khuch bah hât. Nkô̆ nau geh âk ntoh măt kơl uănh nê lah năm dơi geh rvăt, dŏng su hât, mbơh rnoh ăp năm geh 100 rbăn nŭih khĭt yor n’huk hât; lah 100 nŭih ƀon lan Việt Nam ri geh du hê nŭih khĭt yor n’huk hât, du đê̆ ntoh măt ntoh nau đă n’hao năm dơi geh rvăt hât su lah 21 năm, ntơm bah năm 2028.

Rnôk aơ hŏ geh 16 neh dak tâm lam ntur neh leo dŏng nau ntrŭnh đă aơ. Ăp ntoh măt kŏ tâm ban nau đah nau ntrŭnh mô ân tăch hât tâm ntŭk trong kan điện tử. Rgop nau du luật, nkra 6 luật tâm nau kan dak si, ăp ntoh măt đă ân geh ăp trong kan n’hêl, kloh rvah đah rnoh hât ndrel ndoh ndơ dŏng dak si./.